Skip to content

3年零5個月

二月 15, 2012

濕疹是個該死的病!

殺你唔死,但係又好影響你既生活,影響唔晒,但係又影響到你既日常生活,更甚的是會影響你的睡眠質素,心情.影響心情同時,濕疹同時又會受到情緒影響而產生變化.
只能說:神又係你 鬼又係你

係尼3年幾內,中醫西醫,激進(類固醇),溫和(打坐),只係未飲符水……

先講西醫:請先了解自己食咩藥,了解副作用!
是咁的,最初2008年9月病發時,並不知是濕疹,以為只係普通敏感,在頸部及小腿位置,而且我又極度擔心面部受感染,就立即去最近的地方搵個有皮膚科文憑的醫生,頂!這就是惡夢的開始!他好似好專業,用放大鏡了解本人患處。返到家當然立即食藥及擦藥膏啦,嘩!勁呀!食完都無半個鐘,即時唔痕唔紅,一星期後以為無事啦,一停藥,又黎??!,仲出風疹orz,又去搵佢,又食藥,好返>停藥>又黎…..loop,好奇之下,上網了解此藥,原來是先麗敏celestamine
知道之後就無再睇尼個19醫生,就開始我嘅病人生涯
由於出風疹(外型好似蚊咬,一粒粒凸起,會痕,晚上會特別痕,愈r愈大粒,可以由一小粒擴展到整個前半臂),我去尖沙咀睇中醫,日日飲中藥,飲咗一個星期左右,風疹已經離開我,而濕疹又好似冷靜咗落黎。

暴雨前夕總是天晴,以為無事,點知仲勁
2009年,話咁快又到6月,一切平穩渡過,直到開心夏天又到,貪玩做錯事!緊張又刺激嘅情緒又影響健康,因此整個8月都在一位授勳中醫師的中藥店渡過……但經此中醫醫治後,換到應有的健康,因此又再次進入緊張又刺激嘅遊戲(死性不改),直到年尾,我決定不能一錯再錯,立即斬纜。決心唯一只得一個。
之後一直都可以話得到控制,間中搵下醫生外,都會四出尋求解決方法:個d咩綠茶素、洋蔥素、濕疹清、馬油、無類固醇藥膏,都試哂,係馬油和無類固醇藥膏叫做幫到我,減輕痕癢,其他都係同我唔夾(遲d詳細說明每樣方法效果)。
又一年,2011年又再次爆發!OMFG!!嘩!群雄亂舞!小腿、手腕、手指、腰,應有盡有…
即刻搵專科醫生啦!又係照下睇下,食藥戒口擦藥膏,只係藥膏有類固醇,咁又睇咗兩個月,之後就沒有進展,又要再次找尋醫生,今次到一位中西合壁的醫生,又飲中藥又食西藥,可惜用在我身成效不大,情況依舊令人擔憂。又睇返授勳中醫師,噢!已經不復當年勇,又無效了……

冼麗生
特別開一段講佢,唔係因為我憎佢,而係感慨,係咪濕疹只可以靠類固醇(西藥用)/皮炎平(中藥用)?
六月,這次再下一城!下巴、頸、腳、腰背、手腕全部中伏!orz!立即搵這位聞名香港的皮膚科中醫師……可惜最後得知都係用類固醇,但亦因為佢,我得到愉快的暑假,直到9月……

死!要快要好!得!西醫!我又重回西醫的懷抱
要見人的日子,點可以俾又紅乾又甩皮嘅皮膚出現人前?!又去搵咗一位更專的專科醫生,嘩!只能說-客似雲來!明明book咗10:00都可以等到1:30先有得見醫生……名醫總是唔憂做。佢都係開類固醇藥膏,但藥性明顯比較溫和,而且每次藥膏都會唔同。但真係等得太耐而且類固醇都係小用為妙。

針灸與自然療法
為了不長期依靠類固醇,所以好返8成之後,年尾又轉戰中醫,並且試了針灸,wow!好似觸電一樣,好玩,試了數次,但係沒有成效,醫師都叫我可以唔洗做……由於我向醫師提過我在北京生活,他竟然私下介紹了一位遠在北京的名醫,當時的我真的想二話不說再去北京當旅人,當然由於過年日子將近,北京都放假了,衝動不了。但是新年點算呢?濕疹並不會因為過年而休息,反而會於這個寒天更加放肆,不能坐以待斃,所以去了試天然療法,說要把身體內的有害物資都抽離這個臭皮囊,該出現的地方都出現了,不該出現的地方也出現,肥大的臂彎失守了,靈敏的耳朵失守了,俊俏的臉呀都失守了!!….甩皮情況前所未有,情況十分惡劣!所謂要抽晒出黎係如此辛苦!WHY ME!!!??

From → MY STATUS

發表迴響

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: